Ósemjan í Vestmanna: Lærarafelagið hartar Undirvísingarstýrið

Føroya Lærarafelag hartar nú Undirvísingarstýrið fyri handfaringina av málinum um ófriðin í Vestmanna skúla.

Jacob Eli S. Olsen, formaður í Lærarafelagnum, vil ikki gera samrøðu við útvarpið um málið, men skrivar í opnum brævi í dag, at Føroya Lærarafelag átalar viðgerðina hjá Undirvísingarstýrinum í málinum um starvsfólkaviðurskiftini í Vestmanna skúla, og serliga ta viðferð, varaskúlastjórin og lærarar skúlans hava fingið frá Undirvísingarstýrinum.

Lærarafelagið átalar, at Undirvísingarstýrið ikki hevur vent sær til varaskúlastjóran í Vestmanna skúla, ella nakran av hinum lærarunum fyri at hoyra teirra fatan av hesi ósemju.

Jacob Eli S. Olsen

Jacob Eli S. Olsen er formaður í Lærarafelagnum.

Bara annar parturin

Undirvísingarstýrið tekur samanum í málinum bert við at hava hoyrt ein av pørtunum - skúlastjóran, sum Undirvísingarstýrið var í tøttum samskifti við.

Jacob Eli S. Olsen og Føroya Lærarafelag heita á Undirvísingarstýrið at vísa varaskúlastjóranum og lærarunum virðing og viðgera málið av nýggjum.