Lata væl at fyrsta túrinum

Í morgin kemur Akraberg á Fuglafjørð av fyrsta túrinum í Barentshavinum. Hetta er fyrstu ferð, at nýbygdi Akraberg kemur til Føroya. 

Tann 5. juli legði Akraberg frá landi í Brattvåg, nærindis Ålesund í Noregi, har trolarin er smíðaður.

 Akraberg fór beinleiðis av skipasmiðjuni á fiskileið, og hevur verið ein mánað í Barentshavinum. Teir hava  860 tons í lastini.

Og túrurin hevur hilnast væl, sigur skiparin, Eyðun á Bergi:

Akraberg er verksmiðjutrolari, og er fyrsta skipið, ið Framherji hevur latið bygt. Nýggi Akraberg kostaði umleið 317 milliónir krónur.

Eftir ætlan skal trolarin royna eftir rækjum í apríl og mai, og hinar mánaðirnar verður fiskað eftir botnfiski, eitt nú toski, hýsu og upsa:

Akraberg verður á Fuglafirði seinnapartin í morgin.