Dómsviðgerðin í Eikmálinum verður liðug í dag

Dómsviðgerðin í Eikmálinum verður liðug í dag
Málið verður síðani tikið upp til dóms, og dómurin hjá Landsrættinum kemur í heyst
Dómurin hjá Landsrættinum í Eikmálinum kemur í heyst. 
 
25.08.2022 - 09:13

Dómsviðgerðin, proseduran, í Eikmálinum í Eystari landsrætti verður liðug í dag.

Og tá verður málið tikið upp til dóms.

Teir tríggir advokatarnir hjá Eikmonnunum høvdu orðið í síðstu viku, og hesa vikuna hevur advokaturin hjá Fíggjarligum støðufesti havt sína proseduru.

Teir tríggir Eikmenninir, Marner Jacobsen, sum var forstjóri, Frithleif Olsen, ið var nevndarformaður, og Odd Bjellvåg, sum var næstformaður í Eik, vórðu í Føroya rætti 18.november 2019 dømdir at rinda tilsamans 150 milliónir krónur í endurgjaldi til Fíggjarligt støðufesti í sambandi við, at Eik banki kollsigldi. 

Teir kærdu dómin til Landsrættin.

Í Landsrættinum krevja teir frídøming, ella, í øðrum lagi, at skula gjalda minni enn 150 milliónir krónur.

Fíggjarligt støðufesti krevur, at dómurin hjá Føroya rætti verður staðfestur.

Dómurin hjá Landsrættinum kemur í heyst. 
 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486