Nú búgva 23.000 fólk í Tórshavnar kommunu

Frá 1.august í fjør til 1.august í ár vaks fólkatalið í 14 kommunum, tað minkaði í 14 kommunum og stóð í stað í einari kommunu, tað var í Fugloy. 

Størsti vøkstur í tali var í Tórshavnar kommunu. 

Nú búgva yvir 23.000 fólk í Tórshavnar kommununi, 43 prosent av fólkatalinum í Føroyum. 

Næststørsti vøkstur í tali var í Eysturkommunu, sum nú hevur 2.300 fólk. 

Lutfalsliga størsti vøkstur, 4,7 prosent, var í Nes kommunu, sum nú nærkast 1.500 fólkum. 

Eisini var lutfalsliga stórur vøkstur í Eysturkommunu, Eiðis kommunu og Vestmanna kommunu. 

Fólkatalið minkaði mest í Hvalbiar kommunu og Sands kommunu.