Stórur eldur í sethúsum í Havn

Stórur eldur er í einum sethúsum í J. H. Schrøtersgøtu í Havn.

Fólk, sum vóru í húsunum, eru komin út, upplýsir vaktleiðarin á løgreglustøðini, Paula Eikhólm.

Tað var klokkan eitt korter til tvey, at løgreglan fekk fráboðan um eldin.

Tað var onkur, sum gekk framvið, ella var nærindis, sum ringdi til politiið.

- Politibilar og sjúkrabilur vórðu sendir á staðið, soleiðis sum vit altíð gera, sigur vaktarleiðarin.

Løgreglan heitir á grannar um at lata vindeygu og hurðar aftur, tí roykurin er so nógvur.

Enn veit løgreglan einki um, hví eldur kom í.

Eldur

(Mynd: Bjarnheðin í Hoyvík)