- Tíðindi, mentan og ítróttur
Heldur lakari úrslit enn væntað
Heldur lakari úrslit enn væntað
Inntøkurnar hjá Trygd vuksu samanborið við somu tíð í fjør, samstundis sum skaðarnir vóru sum vanligt
Órógv á fíggjarmarknaðunum hevði við sær, at serliga lánsbrøvini hjá Trygd góvu hall fyrra hálvár.
Mynd: Bjarni Árting Rubeksen
19.09.2022 - 11:03
Úrslitið hjá tryggingarfelagnum Trygd var 4,4 milliónir kr. fyrra hálvár í ár, samanborið við 3,6 milliónir kr. fyrra hálvár í fjør, boðar felagið frá í tíðindaskrivi.
Úrslitið var heldur minni enn væntað, sigur leiðslan.
Inntøkurnar vuksu samanborið við somu tíð í fjør, samstundis sum skaðarnir vóru sum vanligt.
Men órógv var á fíggjarmarknaðunum, sum ávirkaði íløgurnar, serliga lánsbrøvini hjá felagnum, sum góvu tap fyrra hálvár.
Bruttotryggingargjøldini hækkaðu við 6,5 miliónum kr. og eru nú 75,6 milliónir kr., upplýsir Trygd í tíðindaskrivinum.
Er kopiera
Nýggjastu sendingar í ÚV
Nýggjastu sendingar í SV
