Atlantic fingið fýra flogskiparar afturat

Hetta er ein stórur dagur bæði fyri føroyska flogvinnu og -søgu. 

Tað sigur Ellef Ellefsen, leiðandi flogskipari hjá Atlantic Airways, nú Atlantc Airways hevur fingið fýra nýggjar Airbus 320-flogskiparar. 

Hann sigur eisini, at tað at tað leggjast fýra føroyskir flogskiparar afturat samstundis, er eitt gott tekin um eina vinnu í vøkstri.

Teir fýra nýggju flogskipararnir eru Bogi av Vollanum, Heri Magnason Arge, Mortan Fjørðoy og Niels Pætur Wraae, og teir hava nú allir fingið prógv uppá at kunna flúgva Airbus 320-flogfør.