Bygnaðurin á Strandferðsluni má broytast

Fíggjarmálaráðið hevur í dag sett Niels Juel Arge í starv sum stjóra á Strandfaraskipum Landsins.

Hann avloysir Hilmar Eliasen, sum fór frá í apríl, eftir at hava gjørt fráfaringaravtalu við ráðið. Jóhan Petur Abrahamsen hevur verið virkandi stjóri síðani.

Niels Juel Arge hevur áður verið á Strandferðsluni, fyrst sum fíggjarstjóri í 2006-2007, tá hann gjørdist virkandi stjóri fyri Kristian Davidsen, sum varð settur sum stjóri í Føroya Tele.

Niels Juel Arge sigur, at tað er neyðugt at broyta bygnaðin á Strandferðsluni, og landsstýrið hevur víst vilja at gera ein liðiligari rakstrarform fyri stovnin:

Ein longri samrøða við nýggja stjóran á Strandferðsluni verður í Breddanum í morgin klokkan 10.