- Tíðindi, mentan og ítróttur
Dánial og Annika fingu bókmentavirðisløn
Dánial og Annika fingu bókmentavirðisløn
Útnorðurráðið sigur um bókina, at Dánial Hoydal varpar ljós á eitt eymt og viðkomandi evni á ein virðiligan og barnavinaligan hátt
Dánial Hoydal hevur skrivað og Annika Oyrabø hevur myndprýtt bókina "Abbi og eg og abbi"
07.10.2022 - 14:45
Bókin hjá Dániali Hoydal, "Abbi og eg og abbi," hevur fingið barna- og ungdómsbókmentavirðisløn Útnorðurráðsins.
Annika Øyrabø hevur myndprýtt bókina, sum er um ein drong og abba hansara, sum broytist og byrjar at gloyma.
Útnorðurráðið sigur um bókina, at Dánial Hoydal varpar ljós á eitt eymt og viðkomandi evni á ein virðiligan og barnavinaligan hátt.
Lætt og sakliga gevur bókin høvi at práta um demens, sum rakar nógvar familjur.
Annika Øyrabø dugir kynstrið at skapa eina søgu bara við myndum.
Bókadeild Føroya Lærarafelags gav bókina út í 2021.
Ein bók úr Íslandi og ein úr Grønlandi vóru eisini innstillaðar til virðislønina.
Virðislønin er 60.000 krónur. Hon verður latin annað hvørt ár.
Er kopiera
Nýggjastu sendingar í ÚV
Nýggjastu sendingar í SV
