Sleppa nú bara í tríggjar norskar havnir

Herdu krøvini til russisk skip í norskum havnum koma í gildi í dag. 

Skip, sum eru størri enn 500 bruttotons, kunnu nú bara leggja at í havnini í Tromsø, Kirkenes og í Bátsfjørðinum.

- Vit vilja ikki, at norskar havnir verða nýttar til at flyta vørur ólógliga til Russlands, og tí verða krøvini herd, sigur norski uttanríkisráðharrin, Anniken Heuitfeldt, í tíðindaskrivi.

Hon boðar samstundis frá, at eftirlitið við russisku skipunum verður hert.

Russiski sendiharrin í Noregi hevur funnist at avgerðini, og sígur, at tað fer at koma millum annað fiskivinnusamstarvinum aftur um brekku.

Herfyri vísti ein uppgerð, at russisku skipini, sum javnan landa í norskum havnum, higartil í ár hava landað yvir 90 prosent av veiðuni í júst teimum trimum havnunum, har tey nú kunnu leggja at.