Borgarligu flokkarnir í Svøríki skipa stjórn

Borgarligu flokkarnir í Svøríki eru komnir ásamt um at skipa stjórn.

Moderati flokkurin, Liberali flokkurin, Svøríkisdemokratarnir og Kristenmokratarnir hava í løtuni tíðindafund í Stokkhólmi, har grett verður frá stjórnarsamstarvinum.

- Arbeiðið er liðugt, sigur Ulf Kristersson, formaður í Moderata flokkinum, sum væntandi verður forsætisráðharri í nýggju stjórnini.

Hann sigur, at teir fýra flokkarnir eru samdir um stjórnargrundarlagið.

Svøríkisdemokratarnir stuðulsflokkur

Moderati flokkurin, Kristendemokratarnir og Liberali flokkurin fara at mynda stjórnina, og Svørikisdemokratarnir vera stuðulsflokkur.

Væntandi fer ríkisdagurin at atkvøða um forsætisráðharran mánadagin, og nýggja stjórnin tekur við í næstu viku. 

Ulf Kristersson fekk litið upp í hendur at skipa stjórn í Svøríki eftir ríkisdagsvalið herfyri.

Mikudagin longdi formaðurin í ríkisdegnum, Andreas Norlén, freistina at skipa stjórn tveir dagar, og nú fer Ulf Kristersson at boða formanninum frá, at tað hevur eydnast at skipa nýggja stjórn.

Svøríkisdemokratarnir, Jimmie Åkesson

Jimmie Åkesson, formaður í Svøríkisdemokratunum, sum verður stuðulsflokkur hjá nýggju stjórnini í Svøríki. (Mynd: Ritzau Scanpix)