- Tíðindi, mentan og ítróttur
Stuðulsgongur kring heimin fyri iranum
Stuðulsgongur kring heimin fyri iranum
Fleiri túsund iranar í øllum Europa fóru í gjár út á gøturnar í Berlin, Washington og Los Angeles fyri at stuðla iranum, sum mótmæla prestastýrinum í hesum døgum
23.10.2022 - 10:02
Í fimm vikur hava íbúgvar í stórum pørtum av Iran mótmælt prestastýrinum, sum millum annað tvingar kvinnur at ganga við turriklæði. Mótmælini í Iran vórðu útloyst, eftir at 22 ára gamla Masha Amini doyði eftir, at hon varð handtikin í Teheran 13. september fyri at hava turriklæðið sitandi ov leyst á høvdinum.
Fleiri enn 200 fólk eru deyð, og fleiri túsund eru fongslað í sambandi við mótmælini í Iran. Hetta hevur fingið fólk kring heimin at vísa samhuga við at fara út á gøturnar. Sambært BBC er hetta størsta mótmælisgongan, sum iranar í útlegd hava hildið higartil.
Er kopiera
Nýggjastu sendingar í ÚV
Nýggjastu sendingar í SV
