Lula vann forsetavalið í Brasil

Lula vann forsetavalið í Brasil
Lula da Silva, sum eisini var forseti í landinum frá 2003 til 2010, sigur, at hann fer at royna at savna landið
Lula da Silva vann forsetavalið í Brasil í gjár.
Mynd: Ritzau Scanpix  
 
31.10.2022 - 08:19

Fyrrverandi brasilski forsetin, Lula da Silva, vann forsetavalið í gjár á Jair Bolsonaro, sum hevur verið forseti seinastu árini.

Lula da Silva var eisini forseti frá 2003 til 2010.

Munurin var lítil. Silva fekk 50,9 prosent av atkvøðunum og Bolsonaro 49,1 prosent.

Lula lovaði fólkinum, at hann fer at royna at savna landið og at beina allar ósemjur av vegnum.

 

Verja Amazon-økið

- Eg fari at leiða landið fyri tey 215 milliónir fólkini í landinum og ikki bert fyri tey, sum hava atkvøtt fyri mær, segði da Silva.

Lula da Silva lovaði eisini at verja Amazon-økið, tí tað hevur avgjørdan týdning fyri alt lív á jørðini, og hann segði seg ætla at seta strong tiltøk í verk.

Tað er beint tvøturímóti tí, sum sitandi forsetin, Bolsonaro, hevur virkað fyri. Líka síðani hann tók við sum forseti í 2019, hevur hann roynt at fáa ferð á virksemið í Amazon-økinum, og fyri tað hevur hann fingið hvassar atfinningar.

 

Jair Bolsonaro, forseti, á vali í gjár. Hann fekk 49,1 prosent av atkvøðunum og tapti forsetvalið. (Mynd Ritzau Scanpix)

Var tørnaður inn

Jair Bolsonaro hevur ikki viðgingið, at hann tapti valið. Hann var tørnaður inn, vóru boðini úr leguni hjá honum.

Fríggjakvøldið segði hann, at hann fór at góðkenna úrslitið, um hann fekk færri atkvøður enn Lula.

Valið hevur serligan týdning fyri Lula da Silva, tí til 2019 sat hann fongslaður fyri svik. Hann sat í næstan tvey ár fyri at hava fingið pening frá einum byggifelagi. Men dómurin var ógildaður, og Lula var latin leysur.

77 ára gamli Lula tekur við sum forseti í Brasil 1. januar.
 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592