Sjóvar kommuna lænir 14 milliónir

Sjóvar kommuna skal læna 14 milliónir krónur frá BankNordik.

Tað var samtykt á bygdaráðsfundi í gjár.

Afturgjaldstíðin er 10 ár. Rentan er skiftandi. Hon er 1,5 prosent.

Bygdaráðið samtykti eisini í gjár at keypa lendi til ítróttahøll.

Artur Johansen, borgarstjóri í Sjóvar kommunu

Artur Johansen er borgarstjóri í Sjóvar kommunu.

Byggja tá fíggjarligt rásarúm er

Kommunan vil tryggja sær lendi til høllina nú, so klárt er at byggja, tá kommunan hevur fíggjarligt rásarúm til tess.

Talan er um eina vanliga ítróttahøll.

Kommunan hevur ikki ráð til at byggja ítróttahøllina nú, sigur Artur Johansen, borgarstjóri.