Minningarhald kring landið

Fleiri staðni kring landið verður minningarhald í dag, allahalgannadag.

Almenna minningarhaldið verður á Vinnuháskúlanum klokkan 14, har Bárður á Steig Nielsen, løgmaður, fer at tala, og Sverri Steinhólm, prestur, hevur eina andakt. 

Síðani verður farið í Viðarlundina, har løgmaður leggur krans við minnisvarðan, og prestur hevur bøn og signing.

Tað er føroyska Sjómansmissiónin, sum skipar fyri.

Í kvøld klokkan 8 verður minningargudstænasta í Havnar kirkju, og hon verður send í útvarpinum.

Allahalganna dagur, minningardagur teirra sjólætnu, kirkjugarður, krossar, brim, deyðin, trúgvin á Gud,

Fýra mans eru sjólátnir ella deyðir í sínum yrki á sjónum seinasta árið, og teir verða mintir í dag. Teir eru hesir:

• Tann 21. november doyði Jóhan Petur Suni Olsen, 56 ára gamal. Hann sigldi við skipinum Hav- Nordlandia, ið lá við bryggju í Miðvági. Hann var búsitandi á Strondum.
• Tann 22. februar druknaði Petur Johansen við aliringarnar í Miðvági, 52 ára gamal. Hann búði í Miðvági.
• Tann 13. februar doyði pólendingurin, Maciej Krzysztof Broniszewski, umborð á Suðringi undir fiskiskapi undir Føroyum, 48 ára gamal. Hann var búsitandi í Froðba.
• Tann 18. juni druknaði Karl Sofus Lamhauge Garðalíð við Vestaru bryggju í Havn, 59 ára gamal. Hann var á veg umborð á Túgvustein, ið lá við bryggju. Hann búði í Vestmanna.

       (Kelda: Fólkakirkjan.fo)