Neyðugt at ringja til Lars Løkke Rasmussen fyri at skipa stjórn í Danmark

bannari
Neyðugt at ringja til Lars Løkke Rasmussen fyri at skipa stjórn í Danmark
Fólkatingsvalið í Danmark er sera spennandi, tí tað sær út til, at Lars Løkke Rasmussen og hansara nýggi flokkur, Moderaterne, fær ein lyklaleiklut
Lars Løkke Rasmussen er ein garvaður og snildur politikkari, og hann situr enn einaferð í einum lyklaleikluti við sínum nýggja flokki, Moderaterne
Mynd: Ritzau / Scanpix  
 
01.11.2022 - 19:42

Fyrstu ábendingarnar í fólkatingsvalinum í Danmark vísa, at Metta Frederiksen, forsætisráðharri, missir meirlutan og noyðist at fríggja til Lars Løkke Rasmussen og hansara nýggja flokk, Moderaterne. 

Valstaðkanningin hjá Danmarks Radio vísti, at bæði reyði og blái vongurin í donskum politikki hevur fyri neyðuni fyri at ringja til fyrrverandi forsætisráðharran og føroyavinin Lars Løkke Rasmussen, um teir ætla at skipa stjórn eftir valið. 

Reyði vongurin hjá Mette Frederiksen sær út til at fáa 85 fólkatingslimir, meðan blái vonurin hjá Jakob Ellemand-Jensen og Søren Pape Poulsen sær út til at fáa 73 fólkatingslimir. 

Óvissan við einari valstaðkanning er sera stórt, og tað er bara ein ábending, men ábendingin tykist greið. 


Lars Løkke Rasmussen og konan Sólrun úr Føroyum hava verið og valt / Mynd: Ritzau / Scanpix

 

Løkke fær lyklaleiklut

Lars Løkke Rasmussen fær ein lyklaleiklut, og spurningurin er um tað endar við, at hann aftur verður forsætisráðharri. 

Moderaterne hjá Lars Løkke Rasmussen fær 9,3 prosent av atkvøðunum í valstaðkanningini hjá Danmarks Radio, og tað gevur 17 fólkatingslimir. 

Tí er spenningurin er eins stórur, sum hann var áðrenn at kanningin varð almannakunngjørd.

Men greitt er, at beint nú verður neyðugt at ringja til Lars Løkke Rasmussen fyri at skipa stjórn í Danmark. 

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592