Stjórnin hjá Mette Frederiksen leggur frá sær

Mette Frederiksen, forsætisráðharri, fer klokkan 10 fyrrapartin at kunna Margrethu drotning um úrslitið av fólkatingsvalinum.

Ein meiriluti av flokkunum hevur víst á Mette Frederiksen at kanna møguleikarnar at skipa stjórn.

Flokkarnir á reyða veingi fingu tilsamans teir neyðugu 90 sessirnar í fólkatinginum, tá Sjúrður Skaale úr Javnaðarflokkinum og báðar afturvaldu fólkatingskvinnurnar í Grønlandi vera tald við.

Men Mette Frederiksen sigur, at hon fer at royna at skipa eina breiða stjórn tvørtur um politisku miðjuna. 

Forsætisráðharrin segði longu í gjárkvøldið frá, at hon fer at boða drotningini frá í dag, at stjórnin leggur frá sær. 

Javnaðarflokkurin størstur

Danski javnaðarflokkurin vann fólkatingsvalið í gjár. Flokkurin fekk 27,5 prosent av atkvøðunum og 50 umboð í fólkatingið, tvey umboð fleiri enn á valinum í 2019. Og valið er tað besta hjá flokkinum í 20 ár.

Úrslitið var, at reyði vongurin fekk 87 umboð og blái vongurin fekk 72 umboð. Men verða Sjúrður Skaale og báðar grønlendsku fólkatingskvinnurnar taldar uppí, hevur reyði vongur tilsamans 90 sessir. 

Moderaterne hjá Lars Løkke Rasmussen er uttan fyri veingirnar, og flokkurin fekk 16 sessir.

Úrslitið av valinum var eisini, at sitandi stjórn hjá Mette Frederiksen, ikki hevur meiriluta í fólkatinginum, og tað tekur hon avleiðingarnar av:

Mette Frederiksen gjørdi samstundis greitt, at hon fer at leita eftir stuðuli á borgarliga veinginum fyri at skipa eina sterka stjórn í Danmark, tí tíðin krevur tað: