- Tíðindi, mentan og ítróttur
Uttanríkisráðharrin var ikki valdur
Uttanríkisráðharrin var ikki valdur
Jeppe Kofod stillaði upp á Sælandi, men hann fekk ikki nóg nógvar atkvøður
Jeppe Kofod hevur fleiri ferðir verið í Føroyum sum uttanríkisráðharri. Her hevur hann tíðindafund saman við Jenisi av Rana, landsstýrismanni.
Mynd: Ritzau Scanpix
02.11.2022 - 15:28
Eftir at atkvøðurnar á Sælandi eru taldar, er greitt, at Jeppe Kofod, sum hevur verið danskur uttanríkisráðharri seinastu árini, ikki er valdur á fólkating.
Tað skrivar danska kringvarpið.
Á Sælandi fekk danski javnaðarflokkurin sjey umboð á fólkating, men Jeppe Kofod er ikki millum teirra.
Jeppe Kofod stillaði ikki upp til fólkatingsvalið í 2019, men Mette Frederiksen, forsætisráðharri, tilnevndi hann uttanríkismálaráðharra, tá hon skipaði stjórn í 2019.
Jeppe Kofod sat tá í ES-tinginum.
Er kopiera
Nýggjastu sendingar í ÚV
Nýggjastu sendingar í SV
