Lítil áhugi fyri fólkatingsvali í Grønlandi

Áhugin fyri fólkatingsvali í Grønlandi er ikki so stórur sum í Føroyum.

Í Føroyum vóru 71,3 prosent av teimum, sum høvdu valrætt, á vali, meðan bert 47,8 prosent av grønlendsku veljarunum brúktu sín valrætt hesa ferð.

Grønlendska kringvarpið, KNR, sigur, at hetta er minsta vallutøka síðani fólkatingsvalið í 1987, tá ið 44,9 prosent vóru á vali.

Fyri trimum árum síðani var vallutøkan til fólkatingsvalið í Grølandi 49,8 prosent.