Smuglaði hassj til Føroya innvortis

Tollararnir á flogvøllinum fingu hóskvøldið illgruna til tveir danir, sum bóru seg løgið at. Teir vórðu kannaðir, men tollararnir funnu einki, og boðaðu siðani løgregluni í Havn frá.

Løgreglan elti menninar og fann teir á einum hotelli, har teir høvdu fingið vitjan av tveimum føroyingum. Á hotellkamarinum fann løgreglan 400 gramm av hassji, sum annar danin hevði smuglað til landið innvortis.

Longu leygardagin vóru báðir danirnir dømdir 50 daga fongsilsrevsing í Føroya rætti, meðan teir báðir føroyingarnir nú eru skuldsettir í málinum.

Um danirnir skulu sita dómin í Føroyum ella Danmark, skal Kriminalforsorgin taka støðu til.