Raðfestingar avmarka játtanina til Ítróttaháskúlan

Uttanríkis- og Mentamálaráðið vildi gjarna latið Ítróttaháskúlanum í Vági fleiri pengar, men tillutaði kamurin til raðfestingar var avmarkaður, og gjørdar eru aðrar raðfestingar, sum brúk eisini er fyri.

Ráðið ásannar, at virksemið á Ítróttaháskúlanum er vaksið nógv og kundi vaksið enn meira, um játtan var til tess. 

Tað hevur Fíggjarnevndin hjá løgtinginum fingið at vita frá Uttanríkis- og Mentamálaráðnum.

Fimm milliónir settar av

Í uppskotinum um fíggjarlóg fyri 2023 eru fimm milliónir og 91.000 kr. til Ítróttaháskúlan. Hann fekk fýra milliónir og 941.000 kr. í ár.

Aðrir háskúlar eru. Játtanin til háskúlar er 12 milliónir og 680.000 kr. í uppskotinum um fíggjarlóg.  

Uttanríkis- og Mentamálaráðið sigur, at verður virksemið minni enn væntað í onkrum av hinum háskúlunum, kann spurningurin um at veita Ítróttaháskúlanum eina eykajáttan viðgerast.