Biskupur: Lítil tørvur á kapelli til jarðarferðir

Biskupur: Lítil tørvur á kapelli til jarðarferðir
Jógvan Fríðriksson, biskupur, vil heldur hava eitt andaligt rúm á Landssjúkrahúsinum til onnur høvi
Jógvan Fríðriksson, biskupur, heldur ikki, at tørvur er á kapelli á Landssjúkrahúsinum til jarðarferðir.
 
29.11.2022 - 18:00

- Lítil tørvur er á kapelli til jarðarferðir

Tað sigur Jógvan Fríðriksson, biskupur, sum heldur vil hava eitt andaligt rúm á Landssjúkrahúsinum til onnur høvi. 

Heri Joensen og Sverri Steinhólm, prestar, siga við Kirkjutíðindi, at teir halda, at tørvur er á kapelli á Landssjúkrahúsinum.

 

Kapellið á Landssjúkrahúsinum hevur ikki verið brúkt til jarðarferðir síðani 2020.

 

Heri Joensen sigur við blaðið, at Landssjúkrahúsið eigur at hava eitt virðiligt kapell til taks, har næstringar kunnu siga sítt seinasta farvæl og leggja lok á kistuna.

Sverri Steinhólm, sum er sjúkrahúsprestur, sigur við Kirkjutíðindi, at hansara royndir eru, at tey allarflestu, ið standa teimum deyðu nær, vilja fegin hava eina løtu í kapellinum, sum vit kenna tað.

Men Jógvan Fríðriksson heldur, at leisturin við stórum bønarhaldum á Landssjúkrahúsinum er ikki serliga virðiligur hjá teimum avvarðandi. Tær stóru løturnar kunnu bíða til sjálva jarðarferðina, sigur biskupur.

Hoyr innslag í útvarpstíðindunum:

 

29112022_Jogvan_Fridriksson

 

Tað var í 2020, at leiðslan í Landssjúkrahúsinum stongdi kapellið. Tá var grundgivið við, at neyðugt var at forða fyri, at koronusmittan breiddi seg. 
 

 

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470