Macron vitjar Biden í Hvítu húsunum

Í dag vitjar franski forsetin, Emmanuel Macron, starvsfelaga sín í Hvítu húsunum í Washington, Joe Biden. 

Frankaríki er elsti sameindi hjá USA, og tøttu viðurskiftini millum londini bæði verða hátíðarhildin við 21 kvøðuskotum og eini veitslu í Hvítu húsunum. 

Men beint undir øllum skreytinum, sum vitjanin er ballað inn í, lúrir eitt stríð, sum frammanundan skuggar fyri vitjanini. Tí bæði Frankaríki og onnur ES-lond stúra fyri, at tey standa á gáttini til eitt handilskríggj við USA, sum kann fáa álvarsligar avleiðingar fyri evropiskan ídnað.

Eygleiðarar spáa, at ein inflatiónslóg kann fara at syndra vesturheimin og skapa ómetaliga stóran skilmun millum USA og Evropa.