- Trygdin við kajkantin er ikki nóg góð

Tvey dømi eru í ár, at sjómaður, sum skuldi umborð á skip, er funnin deyður á sjónum tætt við skipið. Í juni lat ein føroyingur lív, og í síðstu viku var tað ein pólendingur.

Í báðum førum hendi tað við Vestarubryggju í Havn. 

Annfinnur í Garðalíð, formaður í Skipara- og navigatørfelagnum, hevur sjálvur upplivað at missa bróður sín við kajkantin, og í tí førinum helt hann ikki, at trygdin var í lagi.

Tað er Sjóvinnustýrið, ið umsitur og hevur eftirlit við, at trygdin á sjónum er í lagi.

Í Kunngerð um byggikrøv og útgerðakrøv o.a. til fiskiskip stendur millum annað um landgongdir:

"Landgangsforholdene skal sikres på en sådan måde, at adgang til og fra skibet kan ske sikkerhedsmæssigt forsvarligt."

Hans Johannes á Brúgv, stjóri í Sjóvinnustýrinum, vísir á, at tað er ein mentan, ið má broytast, tá ið talan er um trygd.

Sjóvinnustýrið ger eftirlit, men stovnurin sigur seg ikki hava orkuna at koma út á øll skip.