- Tíðindi, mentan og ítróttur
Kassameistari ákærdur fyri mandatsvik
Kassameistari ákærdur fyri mandatsvik
Ákæruvaldið krevur treytaleysa fongsulsrevsing
Kassameistarin er ákærdur fyri at brúka gjaldskortið hjá felagnum til egna nýtslu. Talan er um 223.772 krónur og 75 oyru.
08.12.2022 - 10:35
Kassameistarin hjá einum áhugafelag er ákærdur fyri heimildarsvik, mandatsvik.
Hann er ákærdur fyri at brúka gjaldskortið hjá felagnum til egna nýtslu.
Talan er um 223.772 krónur og 75 oyru.
Maðurin er ákærdur fyri at hava brúkt kortið 330 ferðir í tíðarskeiðinum 1. januar 2016 til 13. september í 2017.
Noktar seg sekan
Hann noktar seg sekan í ákæruni. Ákæruvaldið krevur treytaleysa fongsulsrevsing.
Revsilógin sigur, at heimildarsvik er, tá fólk fyri at útvega sær ella øðrum vinning, tey ongan rætt hava til, elva øðrum fíggjarmiss.
Tað er eisini heimildarsvik, tá fólk gera móti tørvinum hjá tí, tey eru áløgd at røkja fíggjarviðurskifti fyri.
Er kopiera
Nýggjastu sendingar í ÚV
Nýggjastu sendingar í SV
