Álopin á Skálatrøð

Sunnunáttina millum midnátt og klokkan hálvgum eitt var ein maður álopin á Skálatrøð.

Maðurin, sum er í sjeytiárunum, var á veg til hús eftir at hava vitjað skyldfólk, tá tríggir ungir menn lupu á hann.

Maðurin var sligin og sparkaður, sigur politiið. 

Álopsmenninir vóru millum bilarnar, sum stóðu á Skálatrøð. 

Tá álopni maðurin rópti eftir hjálp, rýmdu ungu menninir. Maðurin fór til hús og haðani á Landssjúkrahúsið til kanningar. 

Politiið hevur í løtuni onga slóð at elta, og vil gjarna frætta frá fólki, sum halda seg vita okkurt um hendingina á Skálatrøð millum midnátt leygarkvøldið og klokkan hálvgum eitt sunnunáttina.

Koyrdu ávirkaðir

Um vikuskiftið vóru fimm bilførarar tiknir og skuldsettir fyri at koyra ávirkaðir. Tann eini bilførarin hevði júst fingið koyrikort.

Ein bilur fór út av vegnum við Drelnes og endaði á einum grótgarði stutt eftir døgurða í gjár.

Tvey fólk vóru í bilinum, men hvørki fekk skaða.

Heldur ikki var fólkaskaði, tá ein bilur fór oman av vegnum millum Skála og Skálafjørð seinnapartin í gjár.

Nógv fólk vóru í bilinum.