Vænta nýggja stjórn í Danmark í morgin

Í Danmark verður gitt, at nýggj samgonga verður skipað í morgin. Í løtuni eru samráðingar aftur millum Javnaðarflokkin, Vinstra og Moderata flokkin hjá Lars Løkke Rasmussen.

Flokkarnir samráddust alla nátt, og tá var Radikali Vinstri eisini við.

Martin Lidegaard

Martin Lidegaard, politiskur leiðari hjá Radikala flokkinum, veittrar samgongutingingunum á Marienborg farvæl. (Mynd: Ritzau Scanpix)

Men áðrenn samráðingarnar skuldu takast upp aftur nú klokkan trý seinnapartin, boðaði flokkurin frá, at hann ikki longur er við í samráðingunum. Orsøkina siga tey vera, at tað ikki bar til at fáa hinar flokkarnar við til at gera nóg stórar ætlanir á barna- og ungdómsøkinum og veðurlagsøkinum

Kravið, sum flokkarnir høvdu í valstríðnum, um at tað skuldi gerast ein advokatkanning av leiklutinum hjá Mette Fredriksen í minkmálinum, er nú slept.

Tað hava allir flokkarnir, sum sita við samráðingarborðið, boðað frá.

Jakob Ellemann-Jensen - Mynd: Ritzau Scanpix

Jakob Ellemann-Jensen, formaður í Vinstra. (Mynd: Ritzau Scanpix)

Lars Løkke Rasmussen

Lars Løkke Rasmussen, formaður í Moderata flokkinum. (Ritzau Scanpix)