Sløk milliard í lønum í november

Sløk millard var goldin í lønum í november, neyva talið er 984 milliónir krónur, upplýsir Hagstovan.

Bara eina ferð eru lønirnar farnar upp um eina milliard krónur, tað var í desember í fjør.

Tá vóru ein milliard og 51.000 kr. skrásettar av vera goldnar í lønum.

Menn fáa nógv meira í løn enn kvinnur, menninir fingu 611 milliónir í november, kvinnurnar fingu 373 millónir.

Kortini eru ikki nógv fleiri menn løntakarar enn kvinnur.

28.000 løntakarar vóru í november, 13.623 kvinnur og 14.377 menn.