Jólamenninir høvdu ikki gloymt barnahetjurnar

Jólamenninir høvdu ikki gloymt børnini, sum í 2022 vórðu heiðrað av Reyða Krossi Føroyar fyri at hava bjargað lívi. 

Ein góðveðursdag á vári 2021 spældu tær tá sjey og átta ára gomlu Lilly Fríðudottir og Lydia Victoria Absalonsen av Veiðareiði uttanfyri.

Brádliga síggja tær, at fýra ára gamla systkinabarnið, Bjørk, sum var komin úr Danmark til Viðareiðis at ferðast, var dottin í ein djúpan hyl í ánni.

Meðan vit bíða, Ársins barnaheiður 2022, Lilja Fríðudóttir, Lydia Victoria Absalonsen

Røsku smágenturnar bóru skjótt at. 

Meðan Lilly rann inn eftir pápa sínum, helt Lydia Victoria høvdinum á Bjørk uppi yvir vatnskorpuni, tí hon orkaði ikki at fáa hana upp úr ánni.

Ein hending, sum kundi havt endað ólukkuliga, endaði væl, tí at genturnar vóru so árvaknar.

Afturfyri fingur tær báðar "Ársins barnaheiður" frá Reyða Krossi Føroyar.

Julius og Rógvi

Um jólini fingu Lilly og Lydia Victoria eisini vitjan av jólamanninum Juliusi og Rógva. 

Innslagið var partur av sendingini "Meðan vit bíða", ið varð send í sjónvarpinum jólaaftan. 

Í sendingini "Meðan vit bíða" vitja Julius og Rógvi eisini Julian Niclassen og Dánjal Leo, sum í 2022 eisini fingu heiðurbræv fyri at hava ávarað um, at ein lastbilur, sum var á veg inn í Leirvíkstunnilin, koyrdi við krananum uppi. Teir fingu fatur á eigaranum, sum fekk steðgað føraranum. 

Ársins barnaheiður 2022, Julian Niclasen, Dánjal Leo

"Meðan vit bíða" sæst á barnasíðu Kringvarpsins, ið eitur VIT.