Barnafrádrátturin størri í miðal

Barnafrádrátturin er størri í 12 kommunum í ár enn hann var í fjør, sæst í yvirliti hjá TAKS.

Størsti barnafrádrátturin er í Fugloy. Har er hann 12.000 kr., og tað var hann eisini í fjør.

Minsti barnafrádráttur er 5.100 kr. Hann er í Kvívíkar kommunu.

Barnafrádrátturin í teimum 29 kommununum er í miðal 8.665 kr.

Hann er 194 krónur størri enn í fjør.

Størsta hækkingin er í Tvøroyrar kommunu. 

Har er barnafrádrátturin farin úr 8.000 krónum upp í 10.000 krónur.