Leivur Persson í Vangamyndini

Gesturin í Vangamyndini í Degi og Viku í kvøld er Leivur Persson, formaður í Búskapar- og løgfrøðingafelagnum. Hann verður teirra millum, sum skulu halda røðu á mótmælistiltakinum, sum skipað verður fyri á Vaglinum seinnapartin í morgin.

Búskapar- og løgfrøðingafelagið plagar ikki at vera í fremstu røð, tá mótmælast skal, men nú hevur felagið fingið nóg mikið, og finst hvassliga at landsins stýri fyri ikki at lurta eftir teimum ráðum og upplýsingum, ið embætisfólk sum serfrøðingar leggja fyri politikararnar at taka støðu út frá.

Men hvør er støðan hjá embætisfólki, sum bæði skulu hava ein sjálvstøðugan leiklut í almennu fyrisitingini og vera loyal yvir fyri tí politikara, sum hevur valdið og skal taka avgerðirnar?

Tað verður ein spurningur, Bogi Godtfred fer at seta Leivi Persson í Vangamyndini í Degi og Viku í kvøld kl. 19.