Góð úrslit í móttøkuflokki við ukrainskum næmingum

Síðani í fjør vár hevur Eysturskúlin í Havn havt móttøkuflokk fyri børn hjá ukrainskum flóttafólkum. Úrslitini higartil eru góð, sigur Eyðna Magnussen, skúlastjóri, við Skúlablaðið. 

Í fyrstuni fylgdu tey undirvísingini í einum skúlaflokki í Ukraina, men hetta riggaði ikki so væl.

Eyðna Magnussen

Eyðna Magnussen er stjóri í Eysturskúlanum. 

Síðani hava tey fingið undirvísing í Eysturskúlanum, og tey úrslitini eru so mikið góð, at tey flestu skilja føroyskt, og duga eisini at tosa nakað á føroyskum, sigur skúlastjórin í Eysturskúlanum:

11 ukrainsk børn ganga í móttøkuflokkinum í Eysturskúlanum.