Súsanna Olsen í býráðið

Súsanna Olsen í Framsókn er nú komin í Tórshavnar býráð.

Tað var staðfest á býráðsfundinum í gjár.

Súsanna Olsen kemur fyri Ruth Vang, sum er farin í landsstýrið.

Súsanna Olsen fekk 171 atkvøður á kommunuvalinum í 2020. Súsanna Olsen er eisini vald í í byggi- og býarskipanarnevndina, teknisku nevnd og í mentamálanevndina fyri Ruth Vang.

Hon er eisini komin í skúlastýrini og bygginevnd fyri nýtt røktarheim og røktaríbúðir.

Nummar trý á listanum hjá Framsókn er Bjarni Kárason Petersen.

Hann er eisini í landsstýrinum, so nú er nummar fýra, Bergun Kass, varafólk.

Hon fekk 143 atkvøður á kommunuvalinum 10. november 2020.