Løgtingsfundur í morgin

Millum annað skal løgtingið á fundinum í morgin klokkan 13 atkvøða um, um Høgni Hoydal, landsstýrismaður, skal svara einum skrivligum fyrispurningi frá fólkaflokskvinnuni, Elsebeth Mercedis Gunnleygsdóttir, um oljuleiting í føroyskum øki.

Og so verða løgd fram tvey uppskot, sum hava til endamáls at gera tað bíligari hjá teimum, ið keypa sær el- ella vetnisbil.

Tíðarskeiðið fyri at fáa endurrinda meirvirðisgjaldið í sambandi við keyp av orkuvinarligum motorakførum, skal leingjast í tvey ár.

Ætlanin er síðani stigvíst at avtaka afturberingina av meirvirðisgjaldi.

Hinvegin skulu tey, ið keypa sær plug-in hybrid-og hybridakfør, missa sín tilsvarandi fyrimun.

Og so verður eisini lagt fyri løgtingið uppskot til eykajáttanarlóg fyri 2023, ið skal heimilað at føra landshúsarhaldið víðari, til løgtingsfíggjarlógin fyri 2023 er samtykt.