Rættarhjálpin: Arvur er størsta evnið

Arvur er framvegis nógv størsta evnið, sum Rættarhjálpin fæst við.

Næstan 14 prosent av fyrispurningunum, sum Rættarhjálpin fekk í fjør, vóru um arv og skifti.

112 fyrispurningar vóru um arv og skifti.

Langt er niður til nummar tvey. 72 fyrispurningar, sløk níggju prosent av øllum, vóru um fasta ogn.

Rættarhjálpin fekk 823 fyrispurningar í fjør. 14 mál byrjaðu.

Kvinnur spyrja mest

Fleiri kvinnur enn menn spurdu, munurin var næstan 11 prosentstig. 

Danska løgmálaráðið læt 394.600 kr til raksturin í fjør og landsstýrið 50.000 kr.

Rættarhjálpin hevur 20 løgfrøðiligar ráðgevar.

Rættarhjálp Føroya kom í 1996.