Ætla at byggja nýggja dokk á Skála

Borgarafundur verður á Skála í kvøld í sambandi við, at skipasmiðjan Mest ætlar at byggja nýggja dokk á Skála.

Umsóknin frá Mest um at byggja 150 metra langa dokk á Skála var latin Runavíkar kommunu 24. mai í fjør. Hon verður umleið 20 metrar norðan fyri verandi dokk.

Sambært borgarstjóranum hevur umsóknin ikki verið viðgjørd í býráðnum enn. 

Borgarstjórin vil hava borgarafund fyrst, og í gjár var brádliga lýst við fundi, sum verður í skúlanum á Skála longu í kvøld

Hoyr innslag í útvarpstíðindunum: