Føroyingar taptu finalur

Bæði Áslakur Holm og Súsanna Sigrunardóttir Ludvig taptu sínar finalur og máttu taka til takkar við silvurmerkjum.

Áslakur Holm, sum spælir við mansliðnum hjá VK Vestsjælland, mátti við liði sínum lúta fyri Marienlyst Volley, ið vann 3-0.

Tað leikaði javnt á tey bæði fyrru settini, sum bæði endaðu 25-22, men í triðja setti var størri munur, og Marienlyst vann tað 25-16.

Súsanna Sólrunardóttir Ludvig, sum spælir við kvinnunum hjá Brøndby VK, tapti somuleiðis 3-0 í síni finalu, sum var ímóti Holte IF.

Eisini her leikaði javnt á tey bæði fyrru settini, sum endaðu ávikavist 25-22 og 28-26 til Holte, sum í triðja setti beindi allan iva av vegnum og vann 25-11.