Størsta mentanarliga avbjóðingin seinastu mongu, mongu árini

Um KVFBloggur
Størsta mentanarliga avbjóðingin seinastu mongu, mongu árini
Ovurstóra útboðið frá tøknirisunum broytir miðlavanarnar. Tá vit brúka minni tíð upp á føroyskar miðlar, verður minni kjak um samfelagið og mentanina, heldur kringvarpsstjórin
Ivan Hentze Niclasen á miðlaráðstevnuni "Miðlar á vegamóti" í 2022.
Mynd: Bjarni Árting Rubeksen  
 
11/01/2022 - 13:59

Føroyar standa mitt í tí triðju avgerandi broytingini á loftmiðlaøkinum, sigur kringvarpsstjórin, Ivan Hentze Niclasen. Avgerandi broyting skilmarkar hann sum eina, sum hevur stóra ávirkan á mentanina.

Tann fyrsta kom í 1957, tá Útvarp Føroya fór undir regluligar tíðinda-, talu- og tónleikasendingar. Onnur broytingin kom í 1984, tá Sjónvarp Føroya fór at senda sínar sendingar. Bæði útvarpið og sjónvarpið høvdu eina sterka savningarmegi, tí føroyingar tóku sendingarnar til sín. Báðir miðlarnir settu í stóran mun dagsskránna í orðaskiftinum í almenna rúminum og høvdu stóra ávirkan á mentanina. 

Seinnu árini hava vit sæð enn eina stóra avgerandi broyting á loftmiðlaøkinum. Miðlarnir eru við talgildingini vorðnir globalir, og tøknirisarnir varpa gjøgnum stroymingartænasturnar ovurstórar nøgdir av sendirøðum og filmum til brúkararnar. Youtube og Tiktok eru nú meginmiðlarnir hjá einum vaksandi tali av børnum og ungum, eins og alt fleiri ung siga sosialar miðlar vera teirra fremstu tíðindakeldu.

Kringvarpsstjórin vísir á, at nú er stríðið um uppmerksemi so stórt, at miðlavanarnir broytast. Tá minni tíð verður brúkt til føroyskar miðlar, hevur tað stórar avleiðingar, staðfestir Ivan Hentze Niclasen. Fólkaræðisliga og siðmennandi samrøðan, sum miðlarnir skulu miðla, er í vanda fyri at vikna, og tí viknar savningarmegin. Eisini leggja ensktmæltu filmarnir og røðirnar stórt trýst á málførið hjá børnum og ungum:
 

20220818_Midlaradstevna_Ivan_Niclasen_brot_1


Broyttu miðlavanarnir hava við sær, at miðlanýtslan verður sundurpettað, og tí tódnar felagsskapurin, sum fylkist um føroysku miðlarnar. Kringvarpsstjórin mælir til, at Kringvarpið verður styrkt, soleiðis at framleiðslan av loftbornum tilfari kann økjast. Besta forðingin móti sundurpettingini er at styrkja felagsskapin og at skapa nýggjar felagsskapir í miðlunum. Hann vísir á ungdómsøkið í KVF, sum var eitt strategiskt val hjá Kringvarpinum at skapa ein nýggjan felagsskap, har ung kunnu fylkjast um ungdómssendingar í KVF:
 

20220818_Midlaradstevna_Ivan_Niclasen_brot_2

 

Nýggjastu sendingar í ÚV
Sunnudag 14. apríl
Bolero - Fanny og Felix Mendelssohn
173680
Sunnudag 14. apríl
Guðstænasta í Havnar kirkju
173678
Sunnudag 14. apríl
Rokk og ró - 13. apríl 2024
173677
Leygardag 13. apríl
Jambalaja - 130424
173665
Leygardag 13. apríl
Upp át á - 120424
173660
Nýggjastu sendingar í SV
Sunnudag 14. apríl
Hin rusuti á Aconcagua - teknmálstulkað
173691
Sunnudag 14. apríl
Guðstænasta í Havnar kirkju
173682
Sunnudag 14. apríl
Sement 2024: 1. umfar (1:3)
173672
Fríggjadag 12. apríl
Veðrið
173628

Um kvf css