Fíggjarnevndin fer nú at viðgera fíggjarlógina

Mikudagin fer fíggjarnevndin hjá løgtinginum undir at viðgera uppskotið um fíggjarlóg fyri 2023.

Avlopið í fíggjarlógaruppskotinum fyri 2023 verður 141 milliónir krónur.

Samlaðu inntøkurnar eru mettar til seks milliardir og 940 milliónir krónur, og útreiðslumetingin sigur seks milliardir og 799 milliónir krónur.

Av hesum fara seks milliardir og 169 milliónir til rakstur. 630 milliónir krónur fara til løgur og løgukendar útreiðslur.

Fyrsta viðgerð var í tinginum hósdagin, og eftir ta viðgerðina fekk fíggjarnevndin uppskotið.