Graslíkið á fótbóltsvøllinum í Hoyvík skal skiftast

Graslíkið á fótbóltsvøllinum í Hoyvík skal skiftast
Tórshavnar Býráð samtykti hóskvøldið at graslíkið skal skiftast, tí tað losar ov illa.
 
26.02.2023 - 11:52

Sambært málslýsingini er avleiðingin av tí, at tað flýtur við leysum kunstgrasi kring allan vøllin, og tað hevur umhvørvisligar fylgir við sær. Og av tí at vøllurin losar so illa, so er onki graslíki eftir, fleiri støð á vøllinum. Víðari sæst í málslýsingini, at eitt mál um endurgjald fer fram millum Tórshavnar Kommunu og veitaran av hesum graslíki.

Men aðrir trupulleikar eru eisini við Hoyvíksvølli. Hallið á vøllinum er ov høgt, hann er hægstur á miðjuni. Tí skal allur vøllurin - tilsamans 8556 fermetrar til víddar, javnast betur. 

Enn veit kommunan ikki, hvat hetta arbeiði fer at kosta. 

Hóskvøldið samtykti ein meiriluti í Tórshavnar Býráð at taka av einum tilboði frá Føroya Møblasølu um at keypa nýtt graslíki til vøllin. 

Í fyrstu atløgu valdi meirilutin at játta fimm milliónir krónur til arbeiðið.

Minnilutin, tey fýra umboðini hjá Tjóðveldi í býráðnum, atkvøddi blankt.

Er kopiera
Nýggjastu sendingar í ÚV
Nýggjastu sendingar í SV
Mánadag 23. juni
Jóansøka: 6mf menn
193626
Sunnudag 22. juni
Jóansøka: Dreingir 17-18 ár
193607
Sunnudag 22. juni
Jóansøka: 8 mf
193605
Sunnudag 22. juni
Jóansøka: 5mf Kvinnur
193606