- Tíðindi, mentan og ítróttur
Norwegian kannar møguleikar at flúgva til Grønlands
Norwegian kannar møguleikar at flúgva til Grønlands
Nýggju altjóða flogvøllirnir í Nuuk og Ilulissat gera, at norska flogfelagið er áhugað at kappast við Air Greenland
Í summar fer Norwegian at hava 85 flogfør. Felagið kann tí byrja stívliga 20 nýggjar leiðir úr Danmark ella Noregi.
06.03.2023 - 08:40
Air Greenland kann kanska vænta sær harða kapping, tá altjóða flogvøllirnir í Nuuk og Ilulissat lata upp síðst í 2024.
Tí norska flogfelagið Norwegian er sera áhugað í at flúgva millum Keypmannahavn ella Oslo og Grønland, skrivar Sermitsiaq.
Avger Norwegian at flúgva til Grønlands, fer felagið at kappast við Air Greenland um prísir á ferðaseðlum, tí Norwegian tekur vanliga lítið, minni enn flestu flogfeløg, fyri sínar ferðaseðlar.
Enn veit Norwegian tó ikki, um nóg nógv ferðafólk eru, men hetta verður kannað.
Í summar fer Norwegian at hava 85 flogfør. Felagið kann tí byrja stívliga 20 nýggjar leiðir úr Danmark ella Noregi.
Er kopiera
Nýggjastu sendingar í ÚV
Nýggjastu sendingar í SV
