Mintust Josef Stalin

Fleiri enn 1.000 fólk savnaðust í gjár á Reyða Torginum í Moskva í sambandi við, at tað í gjár vóru liðin 70 ár síðani Josef Stalin doyði.

Fleiri høvdu reyð fløgg og andlitsmyndir av gamla einaræðisharranum við sær, og blómur vóru lagdar við grøvina hjá honum.

Sambært AFP var í stóran mun talan um eldri fólk, sum komu at minnast Stalin. Millum annað varð sagt, at "fólk høvdu verið fegin, um vit aftur fingu ein leiðara sum hann" og "uttan hann høvdu vit ikki hórað undan".

Josef Stalin stýrdi Sovjetsamveldinum við harðari hond frá 1924 til 1953, tá hann doyði. Hesi árini vóru fleiri milliónir fólk avrættað ella send í arbeiðs- og fangalegur í Sibiria.

Nógvir russar hava hann høgt í metum sum mannin, ið einsamallur bardi Adolf Hitler niður, men flestu søgufrøðingar taka ikki undir við hesum.