Dátueftirlitið flytur ikki í ár

Dátueftirlitið flytur ikki í ár.

Tað hevur fíggjarnevndin hjá løgtinginum fingið at vita frá løgmanni, sum í løtuni umsitur lógarmál.

Í fyrra uppskotinum um fíggjarlóg fyri 2023 vóru 540.000 kr. til Dátueftirlitið í sambandi við flyting.

Løgmaður sigur, at mett verður ikki, at ein flyting kann fremjast í ár. Tí er meirjáttanin, sum var 540.000 kr., minkað niður í 140.000 kr. 

Skulu hava møguleika at rinda útreiðslur

Ein partur av meirjáttanini er varðveittur fyri at tryggja, at stovnurin hevur møguleika at rinda  útreiðslur í 2023, sum kunnu vera knýttar at fyrireiking til flytingina. 

Í september í fjør søkti Landsverk eftir leigumáli á eystara armi á Skálafjørðinum til Dátueftirlitið, sum skuldi flyta úr Havnini í ár.

Í fyrsta umfari var sóknast eftir fráboðanum frá áhugaðum útleigarum. 

Freistin at lata fráboðan um leigumál var til 14.oktober.