Tveir útlendingar vístir av landinum í trý ár

Tveir ungir útlendingar úr einum landi í Evropa fara í dag av landinum, og teir mugu ikki koma aftur komandi trý árini.

Menninir hava sitið í 40 dagar, dømdir fyri at hava tikið pening í einari bensinstøð, har teir arbeiddu.

Teir játtaðu seg sekar.

Menninir fingu arbeiði á bensinstøðini í fjør summar.

Illgruni var um, at teir tóku pening úr kassanum.

Eftirlit var tí við teimum, og teir vóru tiknir á búri, tá teir tóku pening úr kassanum. 

Menninir fingu 40 daga fongsul, og vóru vístir úr Føroyum í trý ár.