Vit fáa tjóðarroknskap um trý ár

Hagstovan fekk pening frá Danmarks Statistik at menna hagtalsøkið, men danski hagstovnurin hevur ikki fleiri pengar at brúka í Føroyum

Hagstovan arbeiðir við at gera fullfíggjaðan tjóðarroknskap, sum er á sama stigi sum londini, vit vanliga samanbera okkum við.

Høgni Djurhuus

13.03.2023 - 12:20

Um trý ár hava Føroyar ein fullfíggjaðan tjóðarroknskap á sama stigi sum londini, vit vanliga samanbera okkum við.

Tað sigur Hagstovan sambært tí, fíggjarnevndin hevur fingið at vita frá Fíggjarmálaráðnum.

Fólkatingið játtaði í 2018 Danmarks Statistik tvær milliónir krónur til at samstarva við Hagstovu Føroya um at menna hagtalsøkið, so vísitøl kundu gerast fyri alt ríkið.

Men treytin var, at Hagstovan eisini fekk pengar, 750.000 kr. Tað fekk Hagstovan ikki.

Hagstovan

Fyri at gera arbeiðið liðugt, hevur Hagstovan brúk fyri 600.000 kr. um árið hetta til 2030, sigur Fíggjarmálaráðið.

Ein millión til heimasíðu

Hagstovan fekk so í lag avtalu við Danmarks Statistik um at brúka játtan frá Fólkatinginum, so helvtin av játtanini til Danmarks Statistik til at menna SDG-hagtøl í Føroyum skuldu fíggja menning á Hagstovuni til árslok 2022.

Ein millión er brúkt til eina heimasíðu við 139 av 248 vísitølum.

Danmarks Statistik hevur ikki fleiri pengar at brúka í Føroyum.

Fyri at gera arbeiðið liðugt, hevur Hagstovan brúk fyri 600.000 kr. um árið hetta til 2030, sigur Fíggjarmálaráðið.