Eyðun Klakstein úttikið fyrsta hópin

Nýggi venjarin hjá U21-landsliðnum, Eyðun Klakstein, hevur úttikið sín fyrsta hóp.

25 spælarar eru útvaldir til venjingarlegu frá 24. til 26. mars. Legan er liður í fyrireikingunum til EM-undankapping, har liðið royna seg í EM-undankapping ímóti Portugal, Kroatia, Grikkalandi, Hvítarusslandi og Andorra.

 - U21-landsliðið hevur klárað seg væl ígjøgnum árini, ikki bara í síðstu undankappingini, og eg haldi, at tað forpliktar okkum, sum nú hava ábyrgdina, til eisini at fáa úrslit og stig, sigur Eyðun Klakstein, sum hevur avloyst Sámal Erik Hentze.

Nakrir spælarar í hópinum hava umboða U21-landsliðið fyrr, meðan meirilutin er nýggjur á eldsta ungdómslandsliðnum, sum savnast til venjingarlegu síðst í mars.

Fyrsti dysturin er á heimavølli ímóti Andorra í juni, og hóast Eyðun Klakstein ikki vil seta eitt ávíst stigatal sum mál, heldur hann, at liðið skal miðja ímóti at fáa minst fimm stig.