Einmælt samtykt at yvirtaka farsóttarøkið

Øll 27, sum vóru í tingsalinum, atkvøddu í gjár fyri at yvirtaka farsóttarmálsøkið.

Politiska skipanin sá skjótt, tá korona herjaði, at rætt og neyðugt var at yvirtaka farsóttarmálsøkið, siga landsstýrisfólk og løgtingsfólk. 

Tey halda einki vera at ivast í, at samfelagið og myndugleikin í Føroyum eru búgvin til at taka ábyrgd á hesum málsøkinum og skipa føroyskar loysnir eftir egnum fortreytum. 

Yvirtøkan verður 1.januar 2024.

Triðja viðgerð verður mánadagin.