Ósemja um tøkugjaldið og veiðigjaldið

Sum skilst er ikki heilt semja um tøkugjaldið og veiðigjaldið, og so verður eisini umrøtt, hvussu eldraøkið í framtíðini skal skipast.

Fundur var í gjár millum Ruth Vang, landsstýriskvinnu í fíggjarmálum, og Tórbjørn Jacobsen, formann í Kommunufelagnum. Tá segði Ruth Vang, at ein loysn nærkaðist, og at hon fór møguliga at vera klár í dag. Men nú skilst, at neyðugt er við framhaldandi samskifti um hesi viðurskifti í næstu viku.

Tað hevur ikki eydnast at fáa fatur á Ruth Vang, landsstýriskvinnu, til samrøðu í dag.