Atkvøða um fíggjarlógina í dag

Løgtingið fer í dag at viðgera álitið hjá eini samdari fíggjarnevnd um uppskotið um fíggjarlóg fyri 2023.

Eftir viðgerðina verður atkvøtt um uppskotið og broytingaruppskotini. 

Triðja viðgerð verður seinni í vikuni.

Onnur viðgerð verður ikki so drúgv, væntar formansskapurin, tí ein fyrsta viðgerð er eisini á dagsskránni fyri tingfundin í dag.

Tað er uppskotið hjá Sirið Stenberg, landsstýriskvinnu, um at geva fólkakirkjuni loyvi til at hava fleiri enn ein próst.

Biskupur hevur biðið landsstýrið broyta lógina um fólkakirkjuna, so til ber at býta embætisuppgávurnar millum próstar, tí ov stór arbeiðsbyrða liggur á dómprósti, sum er einasti próstur nú.

Tingfundurin í dag byrjar klokkan 11.00.