Lønarlyftið kemur oman á lønarkarmin

1.januar næsta ár fáa námsfrøðingar, námsfrøðihjálparar, hjálparfólk, heilsurøktarar og heilsuhjálparar við og uttan útbúgving lønarlyft, sigur landsstýrið.

Lønarlyftið kemur oman á lønarkarmin, og verður ikki partur av lønarsamráðingunum annars. 

Lønarlyftið verður mett at kosta 47 mió. kr. brutto. 

Kommunur fáa endurgjald

Landsstýriskvinnan í fíggjarmálum, Ruth Vang, fer í næstum at kunna fakfeløgini hjá teimum, sum fáa lønarlyft, nærri um, hvussu lønarlyftið verður framt. 

Nógv tey flestu, sum fáa lønarlyft, arbeiða hjá kommununum.  

Sum endurgjald til kommunurnar verður gjørd ein broyting í fíggingini av skattafrádráttinum hjá pensjónistum. 

Tøka inntøkan hjá pensjónistunum verður tó óbroytt.